ره ش، ره ش ............
«کیسه لی»
******************
چ شیتانه و گیلانه ویش مه کیشو ئی لاوه ،
بدیه ئا چه مه حیز.....،مه غزم لوا،
که شکه ی هیچ ماشینیوه بوقش نه ویبیا،
سه ره م گیجه ن،چننه دلم هوله ن
ده ی ئه م چه نی په نه ش واچوو وه شم نمه ی وه نه ش ،
شیشی ماشینه که یچ ده سگیره ش نیه ن نه خته ی کیشووش واری، وه خته ن خه فی بوو .
ئا ی چننه خوه م مه ی پی دووکاندارانه و وه رمانیوه مه ویناشان په یمان،
بدیه ئا پالا وره شه یه چه نی مه دیو و مه خوو وه، ئیسه له و ویشو ماچو ئوخه یچ زه ماننه،
به ش ئینه خودان بانی موشته ریی ویم، دماوه زورئیشان مه وانیو...
ئی عه تره چننه بوگه نه ن یوی مه ته رسنو ، موزومو یادوو ئا رویه پیره ژه نه هامساکیمان مه ردیبیو دمه و چننه روی زاناشان په نه ش ، په ی ئینه یه زوروکیشوو مللاکه ناره حه تی نه وان ئی عه تره شانه وه نه پاشه یبی.
بدیه ئی دیوارانه چه نی زورشان ئورده ن په ی یه کترینیو یه کترینی لا مه دان تا بیان ته ماشاو زه ماننی که ران.
ده مم چننه وشک بیه ن، زوانم ماسانه نه ده مم،
ئننه گه وره بیه ن ئیسه لی لووتیمه نه مه دو به ر....
پچی ئه دا گه وریم واچی :کیسه لی ژه نیوه بیینه کفریش که ردینیو پیسی زوروکه یش به نانه سه ریینه خود ه یچ که ردینه ش کیسه لی ،
داخم کریو ئیسه ئه م بوو به کیسه لی ؟ ده ی نانه کونه ؟ زورو کون ؟خودا ......
خاس ته ر گاهه ز بیبیان ، کی تاوی په ی هه میشه ی ئا توه نه قورسی گیرو کولیوه،
چننه گیله نان خو ئه منیچ په ی ویم کیسه لیوه ته مامه نان ، ئا ی ئی شاره چننه کیسه لیش فرینی .
تر نمه گره وو...
بدیه چ دووکه لیوه شان وسه ن را..
کوره ده سیم وه رده یدی ،
گوره شوار ماچان حه تمه ن پیسه نه ،داخم ئه نکیلوو مه نکیلیچ پیه ی بان ؟
ئی گرد چراویشانه پی نیمه رونه په ی چیشی مه وان ؟
گه ره کشانه ن ئه م وه روو ده میم بینوو یا ویشان؟ که شکه ی دیبیاشان.
چ دووکه لیوه شان وسه ن را ،
دووکه لیوه تان په ی راسوو که روو ،چه می دنیه ی کوری بان .
82 **************************
يو ته ر...
ئانه پچی به ینیوه ن کتیویوه تازه چاپ نمه کریو،پچی یو نیه ن قسیوه تازیش په نه بو؟یانی ته مام؟
یانی نووسه ره کی گرد چیوشان وات؟
یانی هیچ په ی واته ی نه مه نه ن؟
یانی ده رده کی خه لکی گرد واچیه یو گرد ده رمانی کریه ی؟
ئه ی پچی یو نامه چه من پرسیاریوه که رو ده رده ت چیشه نه....
نه نه ،ئه م یادم نمه ی...واچی ئه م ئی به ینه وه رمه نه بیی بوو؟مانگیوه،سالیوه ... نه نه نمه پوریو ئه م ئنه یچه که م هوش بییبو.
داخم که س مه زانو قه وره و دوکتر مو سه دقی نا چکو؟داخم که س پی تازه ییه جه باره و گاندی چیویوه ش تازه ش چاپ که رده بو؟
فره دلم ته نگه ن په ی عه ینه که کانش؛داخم یاوه یبان لو کی؟که شکه ی ئیسه بییبیان نه خته ی که ردیبیانیم چه موو دیه یبیان پی خه لکوو چه موو دو لیمانه ره،داخم چیش بینوو؟به زه ننه م پا عه ینه کانه نمه تاوی یه ک نه فه ری بیزینو11!
به ینیوه ن هیچ خه وه ریوه جه مارکزی نیه ن.داخم سه ره تانه که ش یاوا کو؟
واچی گییرووگرفته کی ئادیشانیچ چه نی دیکتاتوره کانشان ته مامی بییبان؟
ئه ی وه شله یشان په نه...
تر ئیسه متمانه م په یدا که رد ئه م زوو تا ئیسه نان وه رمه نه.وه یلا ئی گرد شاعروو نووسه ری چه نی بیی قه تره ی ئاویو لوه ی زه مینه ره...
ئه لبه ت ئیسه هه ر یوشان لی ته لاریوه نه خه ریکینی که یفوو دنیه ی مه که ران
نه نه تر هیچ نه مه نه ن په ی واته ی.
ئه ر خیالوو شیعریوه بدو که له یشان چیش؟ئه لبه ت زوو هوقش مه که ران لی ده سمالیوه و مه وزاش لی ئا کووجیی...
وه ختشه ن ئارو تر بزیوره،
بدیه به ره که چ که کله مووشانیوه گرته ن،که رگیوه چو دیموو به ره که یوه هیلیش
نه که ردیبان؟یادمه نه بو وه خته ی لوانی به ر پا نه نیو پوره شانه ره،
گاهه ز که رگه کی کره که وته و .نشته سه روو هیله کانشوو...هیله کی هور ...
ئوهو هه م شیت بازیه کیم ده س په نه که ردیوه...
به ره که یچ نمه کریووه،چودیم نه گرته بوشان گه چوو سارووج؟پسه به ره و یانه و تیفووسیه کان...
بدیه خه لکی چه نی مه ره مو،ماچی لیانه مروچه نوو ئاویشان گرته نه نه،دیاره ن گرد په له شانه ن،تو واچی؟نووسه ریوه گه وره یا شاعریوه پایه به رز ئامه بو په ی شاره که یمانوو قهر ار بو په ی مه ردمی قسی که رو؟
ئاخ خوداگیان به ش نووسه ریوه جه ولاتوو ئامریکای لاتینی بو،ئاخر ئه م عاشقوو داستانه کانشانه نان،گابریل،وارگاس یوسا،ساراماگو...
ئاغا...خانم...بی زه حمه ت کی؟...پرسیاریوه م...
واچی ئننه دیر هورزه یبوو زوانه که یچشان واریابو؟بو دیاروو ئی به دبه ختیه،داخم به چ زوانیوه قسی مه که ران؟نه کوره ئانه روزنامه کی،تابلوکی...گرد زوانه که و ویمانه ن،ئه ی پچی که س قسی ئه منش حالیه نمه وو؟با چی پیاپیره یه په رسوو،ئاخر ئاد نمه تاوو تن بلو رانه.
ئه ری بابه گیان کی قه راره ن به ی په ی شاره که یمان؟چکو قسی مه که رو په یمان؟تووخودا واچه دیقم که رد.مارکز یا ساراماگو؟ کامشان...
ماچی که روو لال بی!نه کوره قسیوه ش که رده،((ئینه یو ته ر زیاد بی په نه شان))
به کی ؟به چیشی؟تو واچی ئه ژناسه یبووش؟واچی داستانه کی ئه منش وه نیبانیوه؟ده ی چکو؟ئه م واتم88888 :ریوه ی مه ی ئی مه ردمه قه یروو ئه م مه زانان. گاهه ز ئی قاله بونه و ئه منو...
تو واچی ئی پیا کو ره یچه بژناسوم؟!وه خته ن وه شییوه نه بالی گیروونو
-مامو گیان ئینه چیش قومیان؟کی قه ر اره ن به ی؟ئی مه ردمه پچی پیسه حه وه سیه ینیو ره مه ی مه ره مان؟
_چیش ماچی روله؟کی به یو کی بلو؟ماچی تو هیچت نه ژنه ویه ن،ماچان قه راره ن برنج گران بو،ئانه نه خه لکی مه ره مو به لکوو کیلویوه فره ته رش گیر بگنو...
...که رده بیش ده لاقو و یانه که یشوو به که لی سه ره ی قیرنیو هاواری که ری:مه ردم بیاودی یانه که م په ر بیه ن ملی،ئه م تیفووسم گرته ن،به یدی ئا به ره یه گیردی هه ره،
هه ر یانه که یم ئه یر بده یدی،وه یلا گرد ناوه شی مه گندی و تر نمه تاودی برینجه که یتان بوه ردی،برینجه که تان ...برینج ...برینج
پاوه 24/2/ 878787
((........ ))
با عال په رده کان کیشوو واری ،چی وه ش ته ر نمه وو ،واچی ئارویچ هه م پسه ...
واچی ئی قاپه به شم نه که رو؟نه برا وه سین،ئا کابرا واچی ئینه فیلی
مه وزو.
با زه بته که ی روشن که روو،ماچان یو به ده نگوو مووسیقای زووته ر
مه س مه که رو.ئیسه چ نه واریوه بووزوو
سه ر؟موزیکیوه نه رم ؟گیتاریوه،پیانویوه،نه کوره ئینه فره لووسکه لانه ن ،
ترحه قوو ویشه ن ،گورانیی سیاسیی،
ئه ری......«ئاخ زالم»......... به سلامه تی زالمی نه مه زلوومی،ئای گلوه م سوته،ئانه پچی سه ره م وه نه شیویان،توو خودا عه یبه نیه نه ،
مه زلووم
په یچی سلامه ت بو؟
کوره خه فه به،به خودا مه کوه ت دیواره که یره.......
.شوشوو روخه لاش پژگیا....
ئانه چه نی نمه خنیکیان،چخوفوو،تولستوی،سادقوو شیرکوو قه رزاویو
قه بانیو عه له ویو شاملوو کارو یر ،
بدیه چه نی ترنجیه ینی به ینوو یه کترینیه ره. جه نگوو سولح،
راسی کام خاسه ن؟جه نگ یا..... ده ی ئه ر بنیادم جه نگ
نه که رو نمیاوو به حه قوو ویش،ده ی به جه نگ؟
ئه ی دماوه پچی سولحه مه که ران؟بونه و ئانه یوه هه م جه نگ...
.ده ی ئه ر جه نگ نه وو سولحه نیه نه،ده ی ئه ر... ئوهو هه م بیو
جه ریانه مه سخه ره که و که رگوو هیله که ی
،به سلامه تی جه ن...نه سول...به سلامه تی تولستوی.
خوه م مه ی په نه ت کارویر،
وه خته ی باسوو ویتوو ئه لکولی مه که ری ماچی
خه ریکه نی باسوو روسه میو دیوه چه رمه که و شاهنا مه ی مه که ری ،دیق که ره تو ته رکت دا، ئه م ئیسه ده س په نه مه که رو شیرکوراسی تو به سیگار(جگه ره)مه نویسی یا سیگار به تو؟ به سلامه تی سیگاره که و شیرکوی.
که م که م خه ریکه ن خاس مه وو،چه میم لیله و یله مه که ران،تر
ئه ویشان نمه وینوو ئانه کین؟
شاملوو،خاس بی شاملووم دی وه یلا جه ئه ده بیاتی هیچم سه ره نه ویوه. بیچاره چ گیریوه ش که رد ه ن لی ئا ته پوو توزیه نه.
ده نگوو زه نگوو به ره ی مه ی ،
په م کارشان نه وو، نه برا زوو تا ئیسه تر که س کارش نیه ن په م،بو دیار واله کیم به ره که ی که رووه،هه تیمیوه نه وو،
ئا ی کزه و دلیم مه ی ،وه للا چاقویوه مه که روو هوو رگیشه ره،تر بی غیره تی تا که ی ....
ئاخر ئینه والینه والی،به سلامه تی غیره تی.
ئه ی کووفت بوه ری...که م که م خه ریکه ن گیج مه وو ،
گیله مواچه که له ته نه مه پرو...
نواتم ئیسه هه م مه شیو بلوونو سه روو ئه وه لی ،
زوو زوو دیره ن ده ی ،ئه ی خودا هه م ته مام بیو ئارویچ .
راسی یادم شیه نو ئارو نوگه و چیشیه ن ،ئه وه ل مه شیو شیشه کی ماروو یا ئه ینه که ی؟یا سه ره و ویم؟ مه کووش ئه ینه که یره.
__ .... شیته شیته
پاوه 24/12/82
*******************************
1_ هه ناره کان پرژانه نیو شه قامه کان
یه که یه که به تالو بوون وه کوو خه ونه کانی دایکم
2 - بفرموو ، ها ، فیشی ئاوت 124000 .....
_تینوو یه تی قرمان ده کا
_ ره حمه ته کان له ژیر بارانا خووساون
_ هه ناره کان وه کوو خه ونه کانی دایکم به تالو بوون
3 -«ئاسمانی تو به ر پیی خوته»
_ جوگه له کانی شه قام هه موو شتیکیان تی دایه
_مانگوو ئه ستیره کان هه ناریکی گه نیون
_هه ناره کان وه کوو ..
4- ئه م شاره چرای سووری به خویه وه هه ر نه دیوه
_ هه موو روژی پر به گه لا کان چرا ده خو ین
ره نگی زه رده؟
هه ناره که م ،ئاسمان ، ئاغه ی دوکتور ،به یه که وه به تالو بوون.
***********************
پاوه 8 /10 / 82
شوو
***********************
خاسه ن فره پیره نه ویینان،کوره چه نی نه ویینان په نجا سالَیمه ن
سه ره م ته ل قژی ره شش پووه نه مه نه ن
توو خودا بدیه چرچیِ ده موو روویم،چیشم که رد به ویم،
چننه سالی بنیشه ره دیاروو رولانو،ویت پیسه په نه که ره په ی کی؟
با هه ر جه ئه وه لو ئا سیبیه ینیم جیا،شووم که ردیبیا،ئیسه پیسه پیروو کوره
نه و ییبینی،ئه ی خه لکی چیش واچی؟حیام نه شی؟ ئاوه خته ده ورشان گرتان واتشان:شوکر په ی خوده ی ئه ر
ئی زورولی توشان نه ویبیه یشی چیشمان که ردیبیا؟
مه زانم په ی تو سه خته ن مه شیوه ه م بابه بی هه م ئه دا،خاسیش ئا نه نه هه ر دوه گولالینی مه تاوی جوره ی ته علیمشان که ری گوش بدانی
به قسانت ،یانیچتان هه نی مه شیو منه ته و قه وره و ئا مه رحوومیه بزاندی ، ئه ر ئا چوار قه رانه شه ناسیبیا جیا په یتان ده ستان په ی کی دریژه ره که ردیبیا.....
بزانه هیچ که س باسوو ئه منش که رد،واتشان به دبه خته مه وی جوانوو جاهیل مه لی چیری باروو ئی گرد زه حمه توو مه ینه ته یوه،
ئه ی ئه م هیچ ئاوا تیوه م نه وی؟ئه یخودا ئیسه چیش که روو، ده سه لاتم چیشه ن؟ئیسه کاکم ماچو منه ته و نه وو،گیا شووت که ردیبیا .
ئیسه ویش ژه نیش ئوردینه وماچو«ئیمه چیگه راحه تی نیه نم،گه ره کشه ن
چه نی خانمیش وه شش بو،ئه لبه ت حه ز مه که ران رووتوو قووتی...»
شه یتان له عنه ت بی،ده ی حه قوو ویشانه ن جوانینی، ئه ی ئیسه وه ششان نه وو که ی وه ششان بو؟
خاس ته ر با بلان ،وه للا وه خته ی شه وانی پیوه ره لوینی ئوتاقه کی ویشانو پیوه ره قسی که رینیو خوینیوه وه خته بی سوی که روونو
ئننه دلم مانیره په ی ویم .خاس ته ر با بلان قسی حه قه جواوش نیه ن.
خاسه ن جاریوه ئیت هه ن ،تا گه وره بوو ژه نی به ورو فره ش مه نه ن،
گاهه ز ئه م تا ئا وه خته نه مانوو قرموو قاله م نه وو تووشو .
بخودا ویچم مه زانوو ئننه سه روو چیوه گوتره یان ده نگم ئامه ن چه نیشان
تر شه که ته نان،وه خته ن شیته بوو،وه للا پیاوه تی مه که ران به ره یچم
نمه که ران،
ئا ریوه ئیدیچ واچی :«ئیسه گه ره کته ن منه ته بنیه ی سه رمان ده ی گیا شوو که ری دیاره ن ئادیچ.....
...شوو..... شوو... ده ی ئیسه وه خته ی کتوو کوره بیینان.تر گوزه رانم نه مه نه ن ،دوویه ر روین چه نی ئیدیچی قسیم نیه نی. راسی ئه ر ئیسه شوو که رووچیش مه وو؟ب خودا خوه داره ن ،
کی ئیسه مه ی داوه و ئه م؟پوپه ی چه رمیو شووکه رده ی؟ها ها ها
ده ی قه دش چیشه ن،ئه ی به عزه ی ژه نی په یچی سه ره شان ره نگ مه که ران، ئه منیچ مه لوو چه پاله ی ره نگ مه گیروو سه ره یم
نه خته ی سووراوو سپیاوو....
ئیش ده ی کی روه ش بو بلو ئی چیوانه پسانو،ئه ی خه لکی نمواچو ئی
پیره ژه نی عه قلش سووک بیه ن ,وه نه ش قومیان،
ده ی با شاهو کناچی بیبیا،به به هانی ئادیو تاوینی ئی چیویمه ئه سیبیه ینی،
یا جه وه سایله که و ئادی...
ئی هه تیمه گیله تا له و کرمیچ نمه دو ده سوو پلیش،
داخم نمه کریو قژیم به زوخوال ره ش که روو؟ئه ر دماوه پاکو نه وو چیش؟
مه ر تر هه ر نه زیوره.بزانوو شاهو لی کومده که یشه نه چیوه یش.. .. __ ئه دا .ئه دا .نه ی چکو؟نه ی حما مه نه؟
ئه ی تو نمه زانی
جوهه ره که م چیشش په نه ئامه ن؟دیرمه ن په ی مه دره سه ی مه لوو.
پرسیار
* * * * * * * * * * * * *
ئه وا دیسان گه لاکان زه رد بوونه وه
په پوو له پاییزه سه ریان ده رهینا
تو بلیی :گوله پاییزیه کان ،له کفنی دلداره مردوو وه کان درووست کرابن ،که هه موو پاییزیک سه ریان له خاکا ده ردینن
تاکوو په پووله کان ،به درو وه نه که ون ؟
*************
پاوه پاییزی 78
که کله موو شانوو ده لاقه و یانه و ته نیا ییم
ئه دا گه وریم ، به گزیه کوَ له که شوَ
پا گورجوو گولَیه ،نه تاوانش لاش وه روَ
ماچی ئادیچ ، پسه و ئه من
حه ر چه مه رَا ئامه ن دنیا
حه ر چه مه را ئه مه ن دنیا
وه ی چ ته زیوه ئا مه به ده نیمه ره ،ب خودا ئی سه نده لیی فره چیه ینی ،ئا خر سیمانووماسه و سه نده لیئا وه خته ره نگه ی که وویچ؟خو یو هه ر جه ره نگه کیشان زیره مه که رو،خو رچیان،ئانه نه کریی به هه ره وه شیشان که ردیبیان؟زوو میریینی،قه دش چیش بی ،ئاوه خته یو سه نده لیه که ی جه ویش زانی،جاریوه ئه م سه روو ئادیو نیشینیره جاریوه چ ئاد سه روو ئه منو.نوگه نوگه.
ده س مه ته قنه ده سیمو ،مووچرکی مه گیرام،ئانه چیشه ن ههر کوروو کناچیوه یاوه ی له و یه کترینیئه وه ل هه نگووسیشان مه لان لی یه کترینی؟په یچی چه میشان،په یشان ...نمه لان؟ نه کوره نمه لان نمه لان به ده ره ک خو شیت بیان.
ئا کاجه ماچی بابه م،بدیه توکلوو ساقورته کیش واتم ئارو ئی کاول بیه ئننه سه رده ن ، حه تمه ن ئینه بابه و ئی پارکینه .
ئه م فره ته ر وه شم مه ی خزه خزالی، عه سله ن یو وه خته ی مه خزو جوریوه ش په نه مه ی،دلش فینکو مه وو وه.
ئا ریوه بابه م واچی یو وه ختیوه گوناعیوه مه که رو خه ته ئ ئانه یه نه خزه ی مه خزو،ئه ی پچی ئننه خزه خزالیشان وه شی که ردینی؟عووو..ئی روزگاره کرمی چننه گوناعی مه که ران لی ئی هه روو لیته یه نه،ئه ه ..هه م هه ره....
ئه م پچی حه ز مه که روو ژه نی به وروو؟ریکشس واچوو؟ده ی روه م نیه نه،په ی ئینه یه یو جه ته نیایی به رم به ورو؟کی ماچو ئه م ته نیانان؟ته نیا!!!خو یو به ئه نیوه مه تاوو هه زار سالی ویش بخلافنو،ئه ینه دروی مه دو؟له ی چه پی راسوو له ی راسی چه پ نیشانه مه دو؟له یچه پوو راسوو ئه م کامه نه؟گاهه ز له و راسیم چه پ بو ،له ی چه پیچم راس؟ عه سله ن کی واته ن ئینه چه په نوو ئینه راسه ن؟
توو خودا ئینه کسمه ن؟خو ئه م مه دیه و په ی هه ر که سی له ی چه پیش راس مه ویینوو، ئه ی خوزگه ئه م ئه ینه نان یا خه لکی؟گرد درو ی مه ده یمی چه نی یه کترینی.
ئافواره وه خته ی ئاوه کیش فره مه دریو روه و سه ر چننه وه شه ن،به لام حه وزه که
بی تامش که رده ن ،با ئاوه کی نامییبیاوه واری،خه تاو ئا کابرایه بی قانوونووجازبه یش بیسووه،وه یلائیسه گردیمان لی ئاسمانیه نه ،وه ریه نه،مانگینه یاویمی یه کترینی ئاوه خته
له مه و ئه ده یمان چننه گه وری بی،ئه ی ئی گرد شوته شه چکو ئوردیبیا؟یادم نه وی،
ئاوه خته ئی که شکه شی(کهکشان) ئاسمانیه شوَتوو ئه ده یمان بی ئیسه پیسه مفت مه ویه رو.
خو مه غزم لوا،ئیسه نوگه و قه لاوانه ن سه ره شان وه نه بشیونوو... ئانه کی ئیجازه ش دان په م هه ر چیوه ی ره ش بی پیا خراوو هه ر چی چه رمه....... کی ماچو
قه لاو ره شه ن گاهه ز سه وز بو؟
ئه ر ئه م راس واچوو خودا ره حم که رو ئی گرد گیواوو دره خته یره خو گرد حیاشان مه شو.
با بلوو خو ته زان،ئاخر سیمانوو ماسه و سه نده لی؟ئه ر سه روو ئی سه نده لیه یوه بمروو
که س نمه زانو په نه م ،مووریانیچ نمه تاوو ماسه و سیمان بوه رو!!
ئه م ئا ریوه مه ردان هه میشه چه نی ره فیقه کانم به چولکی ئه سپ سواری که رینی.
نویسه ی به هه ورامی جه راسیه نه خزمه ته ن به زوانی کوردی به گشتی،نه دژایه تی چه نی زوانی نه ته وایه تی.دلنیانان هه ر زوانیوه په ی مه نه و ویش مه شیو به گردوو ئا پاژانه که پیکهاته و زوانه که یه نی سه رنجی گردلایه نه بدو.بی گومان ئه گه ر به شی هورامی گه ره کش بو به شداری زوانی یه کگرتوو گه له که یمان که رو،ئانه مسوگه ر نمه وو مه گه ر ئیمه ده قمان بو، واته به ده ق مه شیو بییه و ویمان بسه لمنمی.
چیویوه ته ر که گه ره کمه ن ئاماژه ش په نه که روو ئینه نه که ئیمه هیشتا ریزمانوو هورامیمان به شیویوه باوه ر په نه کریا نه نویسه نو،چوون په خشانمان پاجوره که بشیو نه ویه ن،که په ی ئینه یچه مه شیو به رهه ممان بو تا روه شه ره بتاومی ریزمان بنویسمیوه.
جا ئاکاموو ئی قسی ئینه نه زوانی یه کگرتوو به تیکه ل که رده ووشه و زاراوه کان پیک نمه ی جا زوانی یه کگرتوو پیویستش به ریزمانی یه کگرتوویه ن.
جه مال جه باری - پاوه
